| 自從有咗fb之後真係勁耐冇打過xg呀，不過去完呢個三日兩夜嘅camp之後有感而發，所以都想寫番少少。唔…應該由邊度講起呢 ... 唔 ... 我冇問哂所有人覺得個camp點，不過都聽到唔止一個人講過今年冇上年嘅好玩，又或者從一啲人嘅反應都可以睇到佢地有幾投入或者enjoy個camp…不過我自己係覺得開心嘅！我開心並唔係因為啲game有幾好玩，或者啲環節有幾精采(拿，呢樣真係見仁見智勒)，而係我諗我同大部份嘅導師籌委一樣，我地係因為見到大家嘅成長而開心! 同埋雖然唔係全部，不過還是有好多嘅人都開始會思想下一啲關於自己嘅問題! 可能大家唔會知道，不過其實導師每次開會當講到大家喺啲環節度有咩反應嘅時候已經係好開心(係喎! 有反應已經係開心!)!當大家講緊個camp有幾悶或者我地講啲嘢有幾無聊嘅時候，會唔會都有為意到其實個camp原來係經過幾多次嘅開會，付出左既多時間而嚟嘅呢(例如本營刊同件tee既設計，又或者臨尾大家拎番屋企果個樽)？呢一班籌委自己本身都有好煩忙嘅工作，但係佢地都希望為咗俾到你地一個好玩而又有意義嘅camp而付出好所時間同心思/血(唔計我，因為我工作時間既關係我冇去出席過任何開會)! 我唔係想講我地呢班大人有幾偉大，我係想講嗰啲有時間但係最後冇入嚟嘅人你地真係miss咗一啲嘢喇! 你地除咗錯過咗可以認識新朋友或者可以同你地嘅好朋友一齊過呢三日兩夜嘅機會之外，仲錯過咗一個可以感受到呢頒導師有幾錫你地嘅機會! 所以可能個camp確實係有好多唔完善既地方，不過希望你地都唔好太介意啦! 更加希望唔好因為咁係下年既時候就驚左唔再玩! 因為身為過來人，我地都好想陪你地行呢段年輕既路，想將我地得到嘅經驗同你地分享，更加希望可以inspire你地多啲，等你地自己都諗下關於自己嘅問題，而唔係由我地講應該點點點你地就跟住做! Anyway，希望我地嘅心意你地可以接收到啦! 另外就係 ... 我想講 ... 呢個年紀嘅人，係，你可以持住"年紀輕"而做一啲任性或者曳嘅野，我自己本身都唔係乖，不過我認為，無論你幾任性幾曳幾唔想聽我地啲大人講野都好，基本既尊重或者禮貌還是應該要有! 例如明明大家一齊圍埋坐低聚會，你覺得悶，難頂，唔岩聽，咪坐訓係度訓囉! 就算你細細聲講野都算，但係果啲大大聲講野既人究竟想點？如果換轉你去hold一個聚會，而你有啲野好想同大家講，好想話俾大家知，如果呢個時候你對住果班嘅人猛咁係度傾計。完全ignore你既感受你又會點？如果你曾經想為一個人好(任何人)，但係因為佢唔肯領你情而覺得唔開心或者發脾氣既時候，點解你又要做一埋同樣嘅野？我唔係話你一定要領情，而係至少唔好搞串個party囉! 不過因為好多年輕人都係咁所以我都見慣習慣晒! 但係今次我見到一個真係仲衰既(我覺得je)，就係 ... 佢又唔係話同人傾計，佢係自己係度聽歌，原本都唔係大問題，但係當我見到佢一路聽歌一路係度"un"腳仲用埋手去打拍子既時候我真係火都黎!! 你個樣已經話俾我知你好不屑去聽勒，點解仲要表現到咁呢？你認為你咁樣個樣好型嗎？你認為咁樣好帥嗎？你join呢個camp之前已經知道呢個係一個咩camp，你黎得應該都預左呢個唔係一個純遊樂純玩既camp，咁既然你唔係俾人逼你黎點解你又要表現得咁不屑咁唔尊重呢？有好多年輕人成日話自己已經唔係細路勒，叫人唔好再當佢係小朋友黎看待，但係佢地又做過啲咩成熟既表現可以令人將佢地同成年人(大人)睇齊呢？佢地對人連基本既尊重同禮貌都冇，又點expect人地會尊重番佢地呢？"成熟"並唔係從外表(衣著)或者你識做啲咩大人野(例如食煙飲酒講粗口，甚至乎性)而define嘅，當你係咁諗嘅時候，當你仲成日去做一啲高調野去引人注意，當你仲成日係度扮晒型嘅時候，就已經話俾人知你仲係一個細路! 做細路當然冇錯，不過當你選擇做一個唔nice嘅細路嘅同時，你就唔好expect其他人都會理所當然咁對你nice囉! 好喇，嘮叨發完勒，總之，我地下年會繼續努力去搞好個camp，希望大家可以玩得開心之外，都會有更多思想嘅空間同埋得到更多嘅感受啦! 又，雖然我同其他導師籌委一樣，都hardly know everyone of YOU，but我地都一樣好愛你地架!
|
| |
| 已經好少聽中文歌，更加唔好講買cd! 不過近期買左劉華，ok喎! 然後仲有呢個 ... 梁文音 - 最幸福的事 (http://www.youtube.com/watch?v=Uw9Z70p2MlI) 你撐著雨傘 借我那次 已經足夠我 記得一輩子
我懂後來你不是不堅持 愛情本來就 沒萬無一失 淚水離開了 你的手指
那不如讓它 流在這信紙
我想女孩子 最貼心的是
讓愛的人選結束的方式 我最幸福的事 當過你的天使
趁鼻酸能掩飾 讓我們像當時擁抱最後一次
最幸福的事 吹蠟燭時你總為我許願的手勢
為摯愛的人 在左邊心口保留位置 是最幸福的事 可惜愛不是 童話故事 不能夠永遠 依賴著王子
才慢慢認識只剩兩個字 我怎麼忍心 為難你解釋 我最幸福的事 當過你的天使
趁鼻酸能掩飾 讓我們像當時擁抱最後一次
最幸福的事 吹蠟燭時你總為我許願的手勢
為摯愛的人 在左邊心口保留位置 是最幸福的事 那一陣子有你 美的不像現實
多高興每一幕都微笑著靜止 我最幸福的事 牽著你的日子
一段愛從開始 直至分開我們都對彼此誠實
最幸福的事 對那片海用力大喊永遠的樣子
想得起的事 那天和你傻笑著認識
是最幸福的事 |
| |
| 雖然我唔係佢既FANS，不過都希望佢快D冇事啦!
洪卓立肺積水開刀 一度危殆
04/02/2009
洪 卓 立 （ Ken ） 上 月 中 因 疲 勞 過 度 引 致 肺 積 水 復 發 ， 由 於 情 況 嚴 重 醫 生 即 時 為 他 做手 術 ， 但 病 情 卻 急 轉 直 下 一 度 危 殆 ， 全 身 插 滿 喉 的 Ken 每 日 痛 到 以 淚 洗 面 ， 就 連 新年 都 要 在 醫 院 度 過 ， 連 經 理 人 霍 汶 希 都 心 痛 得 希 望 為 他 分 擔 一 半 痛 楚 。
洪 卓 立 去 年 九 月 突 然 感 到 心 口 痛 及 呼 吸 困 難 ， 隨 即 送 院 照 Ｘ 光 ， 最 後 證 實 肺 積 水 及肺 膜 炎 ， 當 時 Ken 已 全 面 停 工 休 息 ， 直 至 去 年 底 ， Ken 復 工 拍 攝 台 灣 偶 像 劇 《 王 子看 見 二 公 主 》 ， 忙 得 港 台 兩 邊 飛 。 據 知 ， Ken 原 定 上 月 十 八 日 飛 返 台 灣 開 工 ， 但 起飛 前 一 晚 突 然 發 高 燒 ， 並 到 急 症 室 求 診 ， 醫 生 證 實 肺 積 水 復 發 ， 加 上 病 情 嚴 重 ， 要即 時 為 Ken 做 手 術 。
拒 絕 Twins 探 訪
接 受 完 手 術 的 Ken 情 況 未 有 好 轉 ， 反 而 有 惡 化 象 ， 經 常 感 到 腦 痛 ， 更 一 度 接 近 危 殆 。 據 知 ， 醫 生 已 為 他 抽 取 腦 骨 髓 化 驗 ， 報 告 過幾 日 才 有 。 全 身 插 滿 喉 的 Ken 心 情 難 免 大 受 影 響 ， 更 被 病 魔 折 磨 得 淚 如 雨 下 ， 現 時仍 留 醫 中 ， 身 為 師 姐 的 Twins 原 本 打 算 探 病 ， 希 望 作 一 些 鼓 勵 及 支 持 ， 但 遭 Ken 阻止 ， 因 他 不 想 見 任 何 人 。
由 於 Ken 有 份 參 演 的 《 王 》 劇 是 邊 拍 邊 播 ， 以 Ken 現 時 的 情 況 根 本 復 工 無 期 ， 故 有 關 他 的 戲 份 要 臨 時 抽 起 ， 劇 本 亦 要 重 寫 ， 有 台灣 觀 眾 發 現 近 幾 集 《 王 》 劇 沒 有 Ken 出 現 ， 已 致 電 電 視 台 查 問 及 投 訴 ； 而 英 皇 方 面堅 持 將 病 情 保 密 ， 不 肯 透 露 半 句 ， 難 免 令 人 對 Ken 的 病 況 更 擔 心 。
|
| |
| 大年初一 ... d人聽到我話年初一都要返工，普遍都係話，"下？咁慘？年初一都要返工？!" 而我通常都會答，"因為年初一d飛機唔會唔飛囉!"或類似既答案 ... 係喎! 今日雖然係大年初一，不過delay轉機flight cancel乜都有齊 ... =.=" ... Anyway，希望係新既一年入面，大家只會越黎越開心啦!  |
| |
